ჯამში გაკეთებულია 10 885 785 936 დოზა SARS-CoV-2 ვაქცინა. ვაქცინაცია მიმდინარეობს 233 ქვეყანასა და ტერიტორიულ ერთეულზე. ბოლო მონაცემია საშუალოდ დღიური 41.5 მლნ დოზა აცრა. მსოფლიოში 75% მოსახლეობის მინიმუმ ერთი დოზით აცრას ამ ტემპით სჭირდება დამატებითი 2 თვე მიზანის მისაღწევად.
ამ დროისთვის მსოფლიოს 77 ქვეყანას ჰყავს მინიმუმ ერთი დოზით აცრილი საკუთარი მოსახლეობის 75% და მეტი. მსოფლიოს ყველაზე მაღალ-შემოსავლიანი 27 ქვეყანა ახორციელებს ვაქცინაციის 12.4%-ს, თუმცა ჰყავთ მსოფლიო მოსახლეობის მხოლოდ 9.3% და საპირისპიროდ – 77 დაბალ-შემოსავლიან ქვეყანას ჰყავს მოსახლეობის 45% და ახორციელებს აცრების მხოლოდ 29.4%-ს. გლობალურად, მინიმუმ ერთი დოზა გაკეთებულია მაღალ-შემოსავლიანი ქვეყნების მოსახლეობის 26%-ის ხარჯზე, საიდანაც 22% ევროპისა და ჩრდილოეთ ამერიკის მაცხოვრებელია.
იმ ქვეყნებში, რომელსაც მოსახლეობა მინიმუმ 1 მილიონი ჰყავს, ბოლო 7-დღიანი საშუალო მაჩვენებლით ყველაზე სწრაფად ცრის ბანგლადეში, დღიური ადმინისტრირებული დოზით 1 546 / 100 000 მოსახლეზე[1].
სრულად აცრილი მოსახლეობის მოცვის მიხედვით, ლიდერობს გიბრალტარი (120.3%), მეორეზეა არაბეთის გაერთიანებული საემიროები (102.5%), მესამეზე მალდივები (98.9%), მეოთხე მალტა (92.5%), მეხუთე პორტუგალია (92.5%), მეექვსე სინგაპური (91.9%), მეშვიდე ბრუნეი (91.6%), მერვე ჩილე (89.8%), მეცხრე კამბოჯა (88.4%), მეათე ჩინეთი (87.3%).
მოსახლეობის რაოდენობაზე გადათვლით (ადმინისტრირებული დოზა 100 000 მოსახლეზე) ლიდერობენ კუბა (309.3 დოზა), ჩილე (256.6), გაერთიანებული არაბეთის ემირატები (244.7 დოზა), მალტა (241.4), სინგაპური (238.7), ბრუნეი (234.7 დოზა), სამხრეთ კორეა (230.8), იტალია (226), დანია (225.9) და ჩინეთი (225.2).
ბუსტერ-დოზა ყველაზე დიდი რაოდენობით ადმინისტრირებულია გიბრალტარში (89%), ჩილეში (74.9%), ისლანდიაში (68.6%), მალტასა (66.9%) და ბაჰრეინში (64.6%).
ევროკავშირსა და ევროპის ეკონომიკური სივრცის ქვეყნებში (EU/EEA) ჯამში ამ დროისთვის გაკეთებულია 1 130 047 499 დოზა ვაქცინა, მოცვა პირველი დოზით 75.1%-ია, საიდანაც სრულად აცრილია 71.9% (ექსკლუზიურად 18 წლის ზევით მოსახლეობის გათვალისწინებით, შესაბამისად მხოლოდ I და სრულად აცრილია 85.6% და 82.9%). ბუსტერ-დოზა ჯამში ადმინისტრირებულია 51.5%-ში (მხოლოდ 18 წლის ზევით მოსახლეობის 62.2%).
კავკასიის რეგიონში აცრის ყველაზე მაღალი მაჩვენებელია აზერბაიჯანში, აბსოლუტურ ციფრებში ადმინისტრირებული 12 720 225 დოზით, სრულად აცრილი მოსახლეობის 47.4% და 25.6%-ში მოხმარებული ბუსტერ-დოზით. სომხეთში ადმინისტრირებულია 2 031 732, სრულად აცრილია მოსახლეობის 31.1% და ბუსტერ დოზა გაკეთებული 0.8%-ში.
მეზობელი ქვეყნებიდან ყველაზე მაღალი მაჩვენებელია თურქეთში, სადაც ადმინისტრირებულია 145 972 393 დოზა, სრულად აცრილია მოსახლეობის 63.2% და ბუსტერი მოხმარებულია 42.3%-ში.
G7 ქვეყნებს ამ დროისათვის ადმინისტრირებული აქვთ საშუალოდ 187.2 დოზა 100 000 მოსახლეზე, მოცვა პირველი დოზით 78.4%, საიდანაც სრულად აცრილია 72%. ბუსტერ-დოზა მოხმარებულია მოსახლეობის 39 ყოველ 100 მოსახლეზე.
[1] ვაქცინაციის დაწყებიდან, მსოფლიოში ყველაზე მაღალი მაჩვენებელი დაფიქსირდა ნიკარაგუაში 4 755 დოზით / 100 000 მოსახლეზე